دجاجة

بمناسبة إرتفاع أسعار الدجاج أحببت أن أفضفض عن معاناة عاشقي الدجاج
بكلمات بسيطة أرجو أن تنال رضاكم.

***

ياناس قولوا لي وش الحل؟؟

الدجاج طار سعره والجوع فينا حل؟؟

الكبسة مالها لذة إن ماكان عليها صدر دجاجة وورك محمر

ومشوي الدجاج وش زينه متبل ومقمر

لعبوا فينا التجار

نتفوا ريشنا ورفعوا الأسعار

يقولون العلف في العالم سعره غالي

فول الصويا صار في العالي

وإحنا ياللي مالنا عن الدجاج غناة تولعنا

والوزير يقول مافيه حل وإنقلعوا عنا

الحين وش آكل على الغدا؟؟

الدجاج غالي والشوق لها توه ابتدا

ياوزيرنا قل لنا وش ناكل؟؟

الغنم سعره نار والبعارين كلها مشاكل

واليوم جا دور الدجاج

حبيبة والكل لها محتاج

يعني ماعاد فيه شاورما؟؟

ولاشيش طاووق برواقة أعرمه؟؟

حرام عليكم أرحمونا

مانقدر نستغني عن الدجاج صار أمنا وأبونا

ماعاد يفرق بين مجمد وطازة

القلب متعلق بريحته مطبوخ بطريقة ممتازة

تكفون شوفوا لنا حل كيف نعيش بدون دجاج؟؟

ترى الوضع خطير والحال صاير باعوجاج.

فهد الجوير

الخميس 18/11/1433 4/10/2012

الثانية عشر والثلث مساءا

الرياض