مدري كيف صرت مجنون وقررت أتزوج؟؟!!!
كنت مرتاح ومبسوط على كيفي أدخل
وأخرج
ليلي أقضيه على سرير مبسوط وأتدحرج
ظنيت إن الزواج راحة والعزوبية تعب
قلت ياولد مامليت من الفوضى وماتعبت وإنت
تلعب؟؟
فكلمت الوالدة وقلت لها أبي أعرس واليوم أبي
أخطب
طارت من الفرح المسكينة وقالت لي
إبشر
اليوم ببدأ أدور لك بنت الحلال وهالخبر الزين في الحارة
أبنشر
البنات كثير وكل بيت فيه بين الخمس
والعشر
دارت الأيام ودخلنا القفص برجلينا
نضحك مبسوطين في ليلة العرس وعن الحقيقة
سهينا
رقص وهيصة من كل الحبايب حوالينا
كنت أظنهم فرحانين لي وأثرهم علي
يتشمتون
يناظرون من تحت لتحت وعلى هالأهبل في الكوشة
يضحكون
وزميلي العزوبي يناظرني بحزن ويقول والله إنك
مجنون
أحد يترك عيشة الحرية وحياة العزوبية
حياة وش حلوها فوضي مافيها روتين ولاعندك
قضية
لكنك اليوم أثبت إنك جبت لنفسك
الأذية
ناظرته وقلت اليوم أنا حياتي غير
مع
بنت الحلال بعيش حياة غير
بتزوج وأخلف لي عيال وبنات وأكون للحب
طير
مرت الأيام والسنين
وشدني للعزوبية شوق وحنين
تعب قلبي من الزواج وصرت أون ونين
تذكرت غرفتي الجميلة
فوضى كلها لكنها مثل الخميلة
براد شاهي ، وجرايد وكنب للتعسيلة
بصراحة حنيت لأيام العزوبية وشقاوتها
وودي أترك حياة الزواج وحلاوتها
من
عنده لي حل يدلني وشلون أرجع عزوبي ؟؟
ومن يدلني كيف أرجع لدروبي؟؟
فيه أحد عنده لي حل؟؟
وإلا أصبر على أمر الله وأشرب بدل العسل
خل؟؟
***
فهد
الجمعة 3/2/32هـ 7/1/2011م
الحادية عشر وتسع وعشرون دقيقة
صباحاً
الرياض
ليست هناك تعليقات:
إرسال تعليق